26 septembre 2017

Général   





RTL Rebound app
RTL Rebound - Laurent Schmit

08 septembre 2017
DigiBou Newsletter 3
cliquez ici

14 juillet 2017
Calendrier Saison 2017-2018
cliquez ici

>> Toutes les mises à jour
Actualités : U16 Filles


U16 Meedercher gewannen hiren 2. Match op der EM
25 août 2017

Am 6. Match an 9 Deeg hunn U16 Meedercher déi richteg Reaktioun gewisen an mat 47 op 45 géint Estland gewonnen. D'Meedercher hunn Consignen vum Coach Jérôme Altmann gutt ëmgesat an besonnesch an der Defense Géignerinnen frei ënner Drock gesat. Et war eng Teamleeschtung wou all Spillerinnen hiren Bäitrag derzou ginn huet. Statistesch stécht Tanja de Rond mat 23 Punkten an 8 Rebounds ervir. Roud Léiwinnen hunn besonnesch zum Schluss méi clever gespillt wéi an der Virbereedung. Sie hunn aus hiren Feeler aus der Vergaangenheet geleiert an sou net nach eng Kéier op 2 Punkten géint Estland verluer, mee den Match net méi aus der Hand ginn.

Muer geet et dann um 16.30 am leschten Match géint Bulgarien em Plaz 13 ënner 22 Natiounen. Bulgarinnen wäerten schnellen Transition-Basket spillen wou et fir eis Meedercher gëllt op Zack ze sinn. Meedercher wäerten awer zum Schluss nach eng Kéier all hir Kraaftreserven mobiliséieren.

Den Opstig an Divisioun A hunn haut Dänemark an Belsch gepackt déi dann och muer zum Ofschloss wäerten em Gold kämpfen hei zu Skopje.
http://www.fiba.basketball/europe/u16bwomen/2017/2508/Estonia-Luxembourg#|tab=boxscore_statistics

.


Lëtzebuerg verléiert géint Schwãiz
24 août 2017

Et ass leider am 5. Match vun der EM net duer gaangen fir eng 2.Victoire am Tournoi ze feieren.
Meedercher sinn gutt an den Match gestart, sie kruten vill Rebounde géint déi grouss Schwäizerinnen, mee Sie hunn sech an der Offense leider net oft genuch belount. Mat knapp 26% Trefferquote aus der 2-Punktenzone gëtt et schwiereg een Match ze gewannen. Meedercher hunn awer weiderhin gekämpft. Den Kraaftopwand huet awer och an der 2.Hallschent dofir gesuergt dass den Géigner ëmmer méi zu zweeten einfachen Chancen koum. Schlussendlech ass den Match mat 58-35 un Schwäizerinnen gaangen déi elo muer mat den Irinnen em Plaz 9 kämpfen wäerten.
Mir spillen muer géint Estland um 14.15 em Plaz 13. Een Géigner deen bekannterweis an eiser Reechwäite ass! No der positiver Reaktioun vun haut wäerten Meedercher muer och sécherlech nach méi motivéiert an den Match starten!

Statistiken vum Match:
http://www.fiba.basketball/europe/u16bwomen/2017/Luxembourg

.


U16 Meedercher schléissen Gruppephase op der 4. Platz of
24 août 2017

No der 29-84 Néierlag am leschten Match vun der Gruppephase géint Israel huet et fir Meedercher geheescht sou schnell wéi méiglech hier Energie erëm opzelueden an Moral héich ze halen. Den Match géint Israel huet missen schnell vergiess ginn. D'Meedercher aus Israel waren eis physesch an kämpferesch ze vill iwwerleeën.
Um Roudag sinn Meedercher dunn Millenium Cross zu Skopje erkondschaften gaangen, hunn trainéiert an Shopping Mall onsécher gemaach. Ofschalten konnten se och nach gutt beim gemeinsamen Iessen mat den Elteren.
Lo haut steet no engem gudden Training den Moien déi staark Equipe aus der Schwäiz um Programm. Lass geet et um 16.30!

                                                                           Statistiken vum Match Lëtzebuerg-Israel:

http://www.fiba.basketball/europe/u16bwomen/2017/2208/Luxembourg-Israel

.


U16 Meedercher verléieren géint Schweden
21 août 2017

Schweden - Lëtzebuerg 58-33

Am 3. Match vun der EM an Mazedonien sinn eis Léiwinnen op eng kierperlech staark Equipe aus Schweden getraff. Meedercher hunn sech vun der Physis vum Géigner besonnesch an der Offense ze vill beaflossen gelooss. Och wann Meedercher ni opginn hunn konnten se awer leider keen Véierel fir sech entscheeden. Lo muss deen Match sou schnell wéi méiglech ofgehaakt ginn an dann geet et muer um 14.30 géint Israel an dem leschten Gruppematch em déi 3.Plaz.

Statistiken vum Match fann der ënnert: http://www.fiba.basketball/europe/u16bwomen/2017/2108/Sweden-Luxembourg#|tab=boxscore_statistics

Dono ass dann nach een Roudag éiert em Plazen 9-16 gekämpft gëtt. Dem Julie Nilles sengem Fouss geet et esou lues an lues besser, hatt wäert awer wuel leider net méi hei zum Asaz kommen.

.


U16 Meedercher starten mat enger Victoire bei der EM
18 août 2017

U 16 Ladies gewannen den éischten Match an der Grupp Phase géint Island. Mat vill Häerz, Asätz an enger gudder kollektiver Leeschtung, offensiv ewéi och defensiv, konnt d'Partie fir eis entscheet ginn.

Haut ass Roudag éier et muer, den 19.August um 12h00 Lokal Zäit géint déi spilleresch a physesch staark Griichen weider geet. 

Statistiken fannt Dir ënnert dem Link:

http://www.fiba.basketball/europe/u16bwomen/2017/1708/Iceland-Luxembourg#|tab=boxscore_statistics

 

 

.


FIBA U16 Women European Championship 2017, Division B
16 août 2017

Als lescht Lëtzebuerger Equipe reesen U16 Meedercher op Skopje, der Haaptstad vu Mazedonien. Do konkurréieren se mat 21 aner europäeschen Equipe em den Opstig an A-Divisioun.

Déi zwou Kapitäninnen Tania a Julie, wäerte mat hirer Erfarung vun der EM vum leschte Joer hier Teamkolleginne leeden a mam gudde Beispill virausgoen. Bis op sie zwee waart op déi aner 10 Meedercher een neit Erliefnis op dat se dat ganzt Joer higeschafft hunn.

Iwwert Saison hunn Sie un der EGBL deelgeholl, sech um Dussmann Trophy mat hiren Alterskolleginnen aus Holland an Irland gemooss a lescht Woch hier Virbereedung op engem Echange an Estland ofgeschloss. Meedercher sinn héich motivéiert a freeën sech op den Tournoi. Sie sinn sech bewosst dass keng einfach Matcher op Sie waarde mee Sie wäerten 100% gi fir Lëtzebuerg sou gutt wéi méiglech ze representéieren. Déi rout Léiwinne spillen am éischten Tour mat Schweden, Israel, Island a Griicheland am Grupp C. 

Fir FLBB trieden un: 

#4 - Kim Sowa, Basket Esch

#5 - Joy Baum, Basket Esch

#6 - Chiara Beslija, Résidence Walfer

#7 - Julie Nilles, T71 Diddeleng

#8 - Morgane Scaillet, Résidence Walfer

#9 - Sofie Olsen, Résidence Walfer

#10 - Mara Chaumont, Musel Pikes

#11 - Lis Siebenaler, Sparta Bartreng

#12 - Tanja de Rond, Résidence Walfer

#13 - Marlis van den Berg, Musel Pikes

#14 - Lara Mores, Amicale Steesel

#15 - Camille Kohll, Sparta Bartreng

Head Coach: Jérôme Altmann

Assistant Coach: Liz Schmitz

Kinesitherapeutin: Nina Goedert
 

Meedercher soen och dem Jo Oly, dem Emma Colbach an dem Lara Schmit villmools Merci dass Sie och elo nach während der Vakanz hier Zäit geopfert hunn fir mat hinne matzetrainéieren a Sie sech doduerch optimal op EM virbereede konnten. Och ee grousse Merci geet un Liz Engel wat Sie dëst Joer ëmmer super encadréiert huet an hinne villes bäibruecht huet.

Programm vun der Gruppephase:

17. August um 18.45 Auer Island - Lëtzebuerg
19. August um 12.00 Auer Lëtzebuerg – Griicheland
21. August um 16.30 Auer Schweden - Lëtzebuerg
22. August um 14.15 Auer Lëtzebuerg - Israel

.


Estland Exchange
12 août 2017

Game 2: EST - LUX 53-49

Och am zweete Match géint Géignerinnen aus Estland konnt eng Néierlag leider net verhënnert ginn. D'Meedercher si besser an de Match gestart wéi am 1.Match a gewannen den éischte Véierel mat 9-16. Dono hunn sech awer erëm déi bekannte Schwieregkeeten ageschlach an duerch ze vill einfach Ballverloschter sinn Estinnen erëm an de Match komm. Sou gouf zum Stand vu 25-23 d'Säite gewiesselt. D'Meedercher hate Problemer den Rebound sou ze kontrolléiere wéi am Match virdrun. Wou se dee gëschter nach mat 41-47 konnte gewannen sou hunn se haut 16 Rebounds manner geholl wéi hier Géignerinnen. Besonnesch déi 23 offensiv Rebounds déi se den Estinnen zougestanen hunn, sinn a Gewiicht gefall. Och wann eng kleng Reaktioun am 3.Véierel komm ass an deen nach mat 12-15 konnt gewonne ginn, sou ass den Effort vun eise Léiwinnen awer net konstant genuch gewiescht. Ënnert dem Kuerf kruten se sech net duerchgesat an ze vill onforcéiert Ballverloschter hunn den Ënnerscheed gemaach. Schlussendlech ass et dunn net duer gaangen a Meedercher verléieren hire leschte Virbereedungsmatch mat 53-49 géint Estinnen déi awer duerchaus ze schloe sinn.

Elo heescht et ee positive Fazit vun dëse spannende Matcher mat heem ze huelen. Un der Astellung an dem Zesummenhalt vun der Equipe gëtt et op jiddefalls näischt auszesetzen. Den Austausch war gutt organiséiert a Spillerinne sinn em wichteg Erfarunge méi räich ginn. 

Doheem gëtt elo nach zwee mol trainéiert éiert et den Dënschden op Skopje geet. An der Gruppephase waarden dann Equippen aus Island, Israel, Griicheland a Schweden op Meedercher encadréiert vum Jérôme Altmann.

Fir Lëtzebuerg huet gespillt:

Sowa 9, Baum 5, Beslija, Nilles 4, Scaillet 4, Olsen 14, Chaumont 3, Siebenaler, De Rond 9, Van den Berg, Mores, Kohll 1.

.


U16 Meedercher verléiren den 1. Match géint Estland
10 août 2017

U16 Women EST - LUX 48-46

D'Meedercher si gutt an de Match komm géint hier Géignerinnen aus Estland. Den éischte Véierel gewannen se mat 8-12. Dono hunn sech leider ëmmer méi Feeler an Spill vun de Lëtzebuerger Léiwinne geschlach. Vill Ballverloschter an Onkonzentratiounen an der Defense hunn dofir gesuergt dass se an der Hallschent mat 25-18 hanne louchen. Am Rebound konnte Meedercher nach eenegermoosse mathale mee Estinnen hunn de Lëtzebuergerinnen hier Feeler schnell ausgenotzt. Am drëtte Véierel huet sech dat selwecht Bild gebueden sou dass et no 30' 41-29 stoung. Et huet bis zur 35. Minutt gedauert bis dass dunn endlech Reaktioun vun eiser U16 komm ass. Ënnert dem Impuls vum Morgane Scaillet si Meedercher méi aggressiv zum Kuerf gezunn an hunn kollektiv och eng gutt defensiv Leeschtung gewisen. Sie si souguer nach an der leschter Minutt bis op 2 Punkten erukomm. Leider ass Zäit awer net duer gaange fir de Match nach fir Lëtzebuerg ze dréinen. Muer gëllt et vun Ufank un Qualitéiten auszespillen an den Géigner net an de Match komme loossen. Et ass dee leschte Preparatiounsmatch vun der U16 virun hirem Tournoi zu Skopje deen nächst Woch ufänkt.

Fir Lëtzebuerg huet gespillt:

Sowa 5, Baum, Beslija, Nilles 4, Scaillet 14, Olsen 8, Chaumont 3, Siebenaler, De Rond 10, Van den Berg 2, Mores, Kohll.

.


Leschten Test fir U16 Meedercher virun der Europameeschterschaft zu Skopje
10 août 2017

Zum Ofschloss vun hirer Virbereedung op Europameeschterschaft zu Skopje an Mazedonien (16.8-26.8.2017) sinn U16 Meedercher fir en Stage op Tallinn an Estland geflunn.

Zil ass et déi lescht Ofstëmmungen op an nieft dem Terrain ze maachen virun der EM. Fir bal all Meedercher wäert d'EM eng néi Erfarung sinn an dowéinst ginn déi zwee Matcher géint U16 vun Estland nach emol genotzt vir op héijem Niveau ze konkurréieren.

D'Meedercher spillen den 10. August um 18.00 Auer an den 11. August um 13.00 Auer lokal Zäit. No der Reckrees ginn et dann nach zwou Trainingsunitéiten fir den Fäinschlëff ze maachen éiert dann den Highlight vun der Saison op Meedercher waart.

Fir Lëtzebuerg wäerten spillen:

#4 - Kim Sowa, Basket Esch

#5 - Joy Baum, Basket Esch

#6 - Chiara Beslija, Résidence Walfer

#7 - Julie Nilles, T71 Diddeleng

#8 - Morgane Scaillet, Résidence Walfer

#9 - Sofie Olsen, Résidence Walfer

#10 - Mara Chaumont, Musel Pikes

#11 - Lis Siebenaler, Sparta Bartreng

#12 - Tanja de Rond, Résidence Walfer

#13 - Marlis van den Berg, Musel Pikes

#14 - Lara Mores, Amicale Steesel

#15 - Camille Kohll, Sparta Bartreng

.


COPENHAGEN INVITATIONAL 2017
19 juin 2017

Vom 15. bis zum 18. Juni nahmen die luxemburgischen U15 Mädchen am “Copenhagen Invitational” Turnier statt. Der Coaching Staff ist sehr zufrieden mit dem Verlauf des Turniers und der Leistung der Mannschaft. Mit 2 Siegen aus 5 Spielen belegte das Team von Rumen Galabov den 11. Platz von 16 Plätzen.

Im Spiel gegen die Niederlande wäre ein weiterer Sieg drin gewesen, jedoch verpasste man die Chance das Spiel schon früher für sich zu entscheiden und so verlor man durch eine unglückliche Situation das Spiel auf einen 1 Punkt.

Zu viele Turnovers und das Zulassen von offensive Rebounds brachte den Gegner zu einfachen Punkten. Auf internationalem Niveau können die kleinsten Fehler schon Spielentscheidend sein und durch Unkonzentriertheiten gerät man schnell in Rückstand. Die Mädchen haben sich immer wieder zusammen gerissen und gekämpft bis zum Schluss des Spiels.

Die Mädchen sind noch jung und können noch über die Jahre internationale Erfahrung sammeln, um so in Zukunft über 40 Minuten hinweg auf einem konstanten hohem Niveau zu spielen.

 

Kader

N4  - Chloé WHITEMAN

N5  - Marie STOFFEL

N6  - Lis GRAGLIA

N7  - Angelina FUX

N8  - Lara SCHMIT

N9  - Aline FEDERSPIEL

N10  - Alisha STAAR

N11  - Luca STOCKLAUSEN

N12  - Emma COLBACH

N13  - Julie WIRTZ

N14  - Anna SCHREIBER

N15  - Jo OLY

 

Staff

Coach : Rumen GALABOV

Assistant Coach : Martine BAUM

Physiotherapeut : Yves DE WAHA

 

Spiel Ergebnisse

Finnland vs Luxemburg   49 : 60

Luxemburg vs Schweden   58 : 83

Luxemburg vs Dänemark   36 – 55

Niederlande vs Luxemburg   56 – 55

Luxemburg vs Granada   69 – 52

 

.


<< Toutes les actualités
Page prochaine >>

Recherche FLBB.LU :
Recherche personnalisée
Web
 
 
 
GENERAL | ADMINISTRATIF | NATIONAL | INTERNATIONAL | RELATIONS | CONTACTS





Copyright © 2004-2017 par FLBB. Tous droits réservés. Hébergement par Host.lu
Pour des questions ou commentaires, veuillez contacter info@flbb.lu